1எம்டிபிமீது  குற்றச்சாட்டுகளை அள்ளிவீசும்  முன்னாள்  பிரதமர்  டாக்டர்  மகாதிர்  முகம்மட்  அக்குற்றச்சாட்டுகளை  இடைத்  தேர்தல்  பரப்புரைகளின்போது  திரும்பவும்  கூறுவாரா,  அதற்கான  துணிச்சல்  இருக்கிறதா  என  அம்னோ  அமைச்சர்  சைட்  கெருவாக்   கேட்கிறார்.

“பிரதமர்  நஜிப்  அப்துல்  ரசாக்  1எம்டிபி  பணத்தில்  ரிம42 பில்லியனைத்  திருடினார்,  ரிம50 பில்லியனைத்  திருடினார்  என்று  மகாதிர்  கூறினார்.

“குற்றச்சாட்டுகளை அவர்  மீட்டுக்கொள்ளவில்லை, சொன்னதற்காக  வருத்தமும்  தெரிவிக்கவில்லை. ஆகவே,  அதே  குற்றச்சாட்டை  சுங்கை  புசார்,  கோலா  கங்சார்  இடைத்  தேர்தல்  பரப்புரைகளின்போது  திரும்பக்  கூறும்  துணிச்சல்  உண்டா  என்று  மகாதிருக்கு  சாவால்  விடுகிறேன்”, என  சாலே  தம்  வலைப்பக்கத்தில்  பதிவிட்டிருக்கிறார்.

மகாதிரை  “நடப்பில்  எதிரணித்  தலைவர்”  என்று  கேலி  செய்த  சாலே,  இப்போதெல்லாம்  அவர்  1.2மில்லியன்  பேர்  கையொப்பமிட்டதாகக்  கூறப்படும்  குடிமக்கள்  பிரகடனம்  பற்றிப்  பேசுவதில்லை  என்று  கூறினார். ஏனென்றால்,  அதில்   இருப்பவை பொய்யான  கையெழுத்துகள்  என்று  கூறப்படுகிறது,  அதை  போலீசாரும்  விசாரித்து  வருகிறார்கள்  என்றார்.