சட்டத்துறைத்  தலைவர்  அபாண்டி  அலி,  பினாங்கு  முதலமைச்சர்  லிம்  குவான்  எங்  பங்களா  வீடு  வாங்கிய  விவகாரம்மீதான  விசாரணை  அறிக்கையைத்  திரும்பவும்  மலேசிய  ஊழல்தடுப்பு  ஆணைய(எம்ஏசிசி)த்துக்கே  அனுப்பி  வைத்திருக்கிறார்.

“விசாரணை   அறிக்கைகளில்  எல்லா  விளக்கங்களையும்  படித்துப்  பார்த்த  பின்னர்  மேலும்  சிலவற்றைப்  பற்றி  விசாரிக்க  வேண்டுமென  இத்துறை  கருதுகிறது.

“எனவே,  விசாரணையைப்  பூர்த்தி  செய்ய   விசாரணை  அறிக்கைகளை  மீண்டும்  எம்ஏசிசி-க்கே  அனுப்பி  வைத்திருக்கிறோம்”, என  அபாண்டி  ஓர்  அறிக்கையில்  கூறினார்.

எம்ஏசிசி  விசாரணையை  முடித்து விரைவில்  அறிக்கைகளைத்  திருப்பிக்  கொடுக்கும்  என  எதிர்பார்ப்பதாகவும்  அபாண்டி  குறிப்பிட்டிருந்தார்.