கோலா  கங்சார்  இடைத்  தேர்தல்:  பிரதமர்  நஜிப்  அப்துல்  ரசாக்கின்  தலைமைத்துவத்தின்மீதும்  கோலா  கங்சார்  இடைத்  தேர்தல்  வேட்பாளர்  தேர்ந்தெடுக்கப்பட்ட  விதம்  குறித்தும்  அதிருப்தி  அடைந்துள்ள  அம்னோ  கட்சியினர்  பலர்  அமனாவுக்கு  ஆதரவு  அளிக்கிறார்களாம்.  பேரா  அமனா  தலைவர்  அஸ்முனி  அவி  இவ்வாறு  கூறிகொள்கிறார்.

அவர்கள்  இந்த  ஆதரவை  வாக்குகளாக  மாற்றிக்  காட்டப்போவதாக  உறுதி  அளித்திருக்கிறார்கள்  என  அஸ்முனி  இன்று  கோலா கங்சாரில்  செய்தியாளர்  கூட்டமொன்றில்  தெரிவித்தார்.

நாளை முன்னாள்  பிரதமர்  டாக்டர்  மகாதிர்  முகம்மட்  இரண்டாவது  தடவையாக  கோலா  கங்சார்  வருவார்  என்பதுடன்  குடிமக்கள்  பிரகடன  இயக்கம்,  அம்னோ  கிளர்ச்சித்  தரப்பான  காபோங்கான்  கெத்துவா  சாவாங்கான்  மலேசியா (ஜிகேசிஎம்) ஆகியவையும்  வருகை  புரிய  விருப்பதாகத்  தெரிவித்த  அஸ்முனி,  இவை   மக்கள்   மட்டுமல்ல  அம்னோ  ஆதரவாளர்கள்  மற்றும்  கட்சியினர்கூட  நஜிப்பையும்  பிஎன்னையும்  நிராகரிப்பதைக்  காட்டுகின்றன  என்றார்.