பிலிப்பீன்சின்   தீவிரவாத   கும்பலான  அபு  சயாப்பிடம்   சிக்கிக்  கொண்டிருந்த  நால்வரை  விடுவிப்பதற்கு   ரிம12  மில்லியன்  பிணைப்  பணத்தை   போலீசிடம்தான்  கொடுத்ததாக   பிணையாளிகளின்  உறவினர்கள்   உறுதியாகக்   கூறினர்.

போலீஸ்  பிணைப்  பணத்தைப்  பெறவில்லை  என   போலீஸ்  ப்டைத்  தலைவர்  காலிட்  அபு  பக்கார்   மறுத்ததை  அடுத்து  அவர்கள்  அதை  வலியுறுத்தினர்.

“ரிம12மில்லியன்  வங்கி   மூலமாக  சண்டாகான்  அனுப்பப்பட்டதாக  நான்  ஏற்கனவே  கூறியதையே  இப்போதும்  வலியுறுத்துகிறேன்.

“யாருக்கேனும்  சந்தேகமிருந்தால்  அவர்கள்   ஹொங்  லியோங்  பேங்கில்   விசாரித்து   தெரிந்து  கொள்ளலாம்”, எனப்  பிணையாளீகள்  குடும்பதாரின்   பேச்சாளர்  லாவ்   செங்  கியோங்   கூறினார்.

இவ்விவகாரம்  தொடர்வதை   அக்குடும்பத்தார்  விரும்பவில்லை   என்பதால்  அது   பற்றி  அவர்  மேலும்   கருத்துரைக்கவில்லை.