சரவாக்  ரிப்போர்ட்  1எம்டிபி  விசாரணையுடன்  சம்பந்தப்பட்ட  முக்கிய  ஆவணங்கள்  சிலவற்றைக்  கசிய  விட்டிருப்பது  குறித்து  போலீஸ்  விசாரணை  செய்ய  வேண்டும்  எனத்  தொடர்பு,  பல்லூடக  அமைச்சர்  சாலே  சைட்  கெருவாக்  கூறினார்.

“சரவாக்  ரிப்போர்ட்  அதிகாரத்துவ  இரகசிய  சட்டத்தின்கீழ்  வரும்  ஒரு  ஆவணம்   தன்  வசமிருப்பதாக  அறிவித்திருப்பதை  போலீஸ்  விசாரிக்க  வேண்டும்”,  என  சாலே  மலேசியாகினியிடம்  தெரிவித்தார்.

பாதுகாப்பை  முன்னிட்டு  அரசாங்கம்  சில  ஆவணங்களை  ஓஎஸ்ஏ  ஆவணங்கள்  என  வகைப்படுவதாக  அமைச்சர்  கூறினார்.

ஒஎஸ்ஏ  ஆவணங்களில்  உள்ள  விவரங்களை  சரவாக்  ரிப்போர்ட்  கசிய  விட்டிருப்பதாகக்  கூறப்படுவதை  போலீஸ்  விசாரிக்க   வேண்டும்.  தவறினால்  மேலும்  பல  ஓஎஸ்ஏ  ஆவணங்கள்  கசியக்கூடும். அதன்  விளைவாக  நாட்டின்  பாதுகாப்புக்கு  ஆபத்து  உண்டாகலாம்  என  சாலே  கூறினார்.