பிரதமர்     நஜிப்    அப்துல்    ரசாக்   ஒராண்டுக்கு  முன்பு     1எம்டிபி   மீதான  தலைமைக்   கணக்காய்வாளரின்    அறிக்கை  வரும்வரை    பொறுமையுடன்  இருக்குமாறு   கூறியதை   மறந்து   விட்டாரா  என்று  வினவுகிறார்    முன்னாள்   அம்னோ   துணைத்   தலைவர்    முகைதின்   யாசின்.

அந்த   அறிக்கை    வெளியிடப்படும்   என்று   நினைத்துக்    கொண்டிருக்கையில்    அதன்   சில   பகுதிகள்  அதிகாரத்துவ  இரகசிய   சட்டத்தின்கீழ்  இரகசியமானவை    என  வகைப்படுத்தப்பட்டிருப்பதாக   அறிவிக்கப்பட்டுள்ளது  என  முகைதின்   கூறினார்.

அரசாங்கம்,   அதன்  இரகசியக்  காப்புத்   தன்மையை   அகற்றி   அந்த  அறிக்கையை   உடனடியாக    வெளியிட    வேண்டும்   என   அந்த  பாகோ  எம்பி   கேட்டுக்கொண்டார்.

அப்போதுதான்  அந்த  நிறுவனம்மீது   கூறப்படும்  ஊழல்   குற்றச்சாட்டுகளில்   எந்த   அளவுக்கு   உண்மை    உண்டு  என்பதைத்  தெரிந்து  கொள்ள முடியும்  என்றாரவர்.