கடந்த  இரண்டு   மாதங்களில்   பினாங்கில்   நான்கு   ஆலயங்கள்  சேதப்படுத்தப்பட்டிருக்கும்   நிலையில்   இப்போது   மேலும்   இரண்டில்-  கெடா, மாஹாங்கிலும்  பேராக்,  செலாமாவிலும்-    சிலைகள்  உடைத்து    சேதப்படுத்தப்பட்டுள்ளன.

மாஹாங்  ஸ்ரீ   மகாமுத்துமாரியம்மன்   ஆலையத்தில்   ஒரு  விக்கிரகம்   அதன்  இருப்பிடத்திலிருந்து   பெயர்த்தெடுக்கப்பட்டு   உடைக்கப்பட்டிருப்பதாக   ஆலய  அதிகாரி   த  ஸ்டார்  நாளேட்டிடம்  தெரிவித்தார்.

அதற்கு     நான்கு     கிலோமீட்டர்     தொலைவில்,   செலாமா,  தொங்  ஹர்ஸ்ட்   தோட்டத்தில்   உள்ள   சுப ஸ்ரீ   சக்தி  கனகவல்லி   ஆலயத்தில்  கதவு  உடைக்கப்பட்டு   இரண்டு  தெய்வத்  திருச்  சிலைகள்  உடைக்கப்பட்டுள்ளன.

இரண்டு  சம்பவங்களும்   செவ்வாய்க்கிழமை   நடந்துள்ளன.  இரண்டு  ஆலயங்களிலும்   விக்கிரங்களுக்கு  அடியில்   வைக்கப்பட்டிருந்த   நகைகளைக்   காணவில்லை.