முன்னாள்  பிரதமர்  டாக்டர்   மகாதிர்  முகம்மட்   அரசியலிலிருந்து   ஓய்வு  பெற்று   நீண்ட   காலமாகிறது  என்பதால்    விரைவில்    அமையவுள்ள   புதிய   அரசியல்   கட்சியை   வழிநடத்தும்   வலிமை   அவருக்கு  இல்லை   என்கிறார்   அம்னோ    உச்சமன்ற   உறுப்பினர்   இஸ்மாயில்   சப்ரி.

அம்னோ  மூத்த   தலைவர்   தெங்கு  ரசாலி  போன்றோ    பிகேஆர்  நடப்பில்    தலைவர்   அன்வார்  இப்ராகிம்   போன்றோ  வலிமையும்  செல்வாக்கும்  கொண்டவர்   அல்லர்  மகாதிர்   என்று  இஸ்மாயில்  கூறினார்.

“அன்வார்  அம்னோவிலிருந்து  விலக்கப்பட்டபோது  வலுவான   துணைப்   பிரதமராக   இருந்தார்.

“மகாதிர்  பணிஓய்வு  பெற்று   நீண்ட   காலமாயிற்று.  அன்வாருடனும்  தெங்கு  ரசாலியுடனும்  ஒப்பிட்டால்    அவருக்கு   அந்த  அளவு  வலிமை   இல்லை”,  என  கிராமப்புற,  வட்டார  மேம்பாட்டு   அமைச்சர்   கோலாலும்பூரில்  கூறினார்.

“புதிய  கட்சி   மக்களிடத்தில்  எந்தத்  தாக்கத்தையும்   ஏற்படுத்தாது. வெறுப்படைந்தவர்கள்     மட்டுமே   அதில்   சேர்வார்கள்”,  என்றாரவர்.