பேரிச்சம்பழத்தை    இறக்குமதி    செய்து   விநியோகம்   செய்யும்   உள்ளூர்   நிறுவனமொன்று    அடிப்படைப்  பொருள்களுக்கும்    சேவைகளுக்கும்   பொருள்,  சேவை  வரி(ஜிஎஸ்டி)யிலிருந்து   விலக்களிக்கப்பட    வேண்டும்   என்று   கோரி   கோலாலும்பூர்   உயர்  நீதிமன்றத்தில்     மனு  கொடுத்திருக்கிறது.

இதுவே   ஜிஎஸ்டிக்கு    எதிரான    முதல்  வழக்கு   எனக்   கருதப்படுகிறது.    Asia Kitchen Industries Sdn Bhd  அவ்வழக்கைத்  தொடுத்துள்ளது.   அந்நிறுவனம்  ஜிஎஸ்டி   வரிக்கு  உள்பட்ட    பழங்கள்,  காய்கறிகள்  பட்டியலில்    திருத்தம்    செய்யப்பட    வேண்டும்   என்று  கோரிக்கை   விடுத்த   அந்நிறுவனம்   உலர்ந்த   பேரீச்சம்பழத்துக்கு   ஜிஎஸ்டியிலிருந்து  விலக்களிக்கப்பட   வேண்டும்   என  வலியுறுத்தியது.

உலர்ந்த   பேரீச்சம்பழங்கள்   ‘சுன்னா  உணவுகள்’(நபி   முகம்மது   அவர்களால்  உண்ணப்பட்டவை).  முஸ்லிம்கள்  ரமலான்  மாதத்தில்  அவற்றை  உண்பார்கள்.  எனவே,  அதற்கு  வரிவிலக்கு  அளிக்கப்பட   வேண்டும்  என்று    அது   கூறிற்று.