1எம்டிபிக்கும்   அமெரிக்க   நீதித்துறை (டிஓஜே)  வழக்குக்கும்    சம்பந்தமில்லை   என்ற  பிரதமர்  நஜிப்   அப்துல்   ரசாக்கின்   கூற்று     “அதிர்ச்சி   அளிக்கிறது”  என்று   கூறிய   டிஏபி,  அந்த   நிதி  நிறுவனத்தின்  பெயர்   நீதிமன்ற   ஆவணம்  முழுக்க     விரவிக்  கிடப்பதாக    தெரிவித்தது.

“உண்மையைச்  சொல்லப்போனால்   1எம்டிபி   இன்றி   அந்த   136-பக்க    வழக்குக்கு  அடிப்படையே   இருக்காது.  விழுந்து  விடும்.

“136  பக்கங்களிலும்   1எம்டிபி   விரவிக்  கிடக்கிறது,  முதல்   20  பக்கங்களில்  130  தடவை   அது  குறிப்பிடப்படுகிறது.

“அப்படி  இருக்க   நஜிப்  எப்படி   1எம்டிபி -க்கு  டிஓஜே  வழக்கில்  சம்பந்தமில்லை  என்று  கூற  முடியும்?”,  என  டிஏபி  பெருந்  தலைவர்  லிம்  கிட்  சியாங்    நேற்றிரவு  ஜோகூர்  பாருவில்  ஒரு  விருந்தில்   பேசியபோது   வினவினார்.