1எம்டிபி-இலிருந்து    யுஎஸ்$3.5பில்லியன்   “திருடப்பட்ட”தாக  அமெரிக்க   நீதித்துறை     கூறியுள்ள   போதிலும்     அந்நிறுவனம்மீது   மீண்டும்   விசாரணையைத்   தொடங்கப்போவதில்லை    என  பேங்க்  நெகாரா  அறிவித்துள்ளது.

1எம்டிபிக்கு     எதிராக      எடுக்க     வேண்டிய     நடவடிக்கைகளை     எல்லாம்   மத்திய   வங்கி  ஏற்கனவே    எடுத்தாயிற்று  என   பேங்க்  நெகரா   ஆளுனர்   முகம்மட்   இப்ராகிம்  இன்று   தெரிவித்தார்.

“1எம்டிபி மீது   எங்கள்  விசாரணை  முடிந்து   விட்டது.

“அந்த  நிறுவனத்துக்கும்   அபராதம்   விதித்தோம்.  சட்டப்படி   தேவையான   எல்லா  நடவடிக்கைகளும்   எடுத்து   விசாரணையை   முடித்தாயிற்று”,  என  முகம்மட்   இன்று  கோலாலும்பூரில்  கூறினார்.

ஆனால்,  எந்த   விசாரணை   அமைப்பாவது   1எம்டிபிமீது  விசாரணை  நடத்தினால்  பேங்க்   நெகரா   அதனுடன்   ஒத்துழைக்கும்.