பிரதமர்     நஜிப்    அப்துல்    ரசாக்     நாட்டின்  வெளியுறவுக்  கொள்கையைப்  பொறுத்தவரை     வேறு  பாதையில்  செல்ல    முடிவெடுத்ததாகக்    கூறினார்.

“பழைய   அணுகுமுறையை  விட்டு  விலகி     நான்  வேறு  மாதிரி  இருக்க    விரும்பினேன்.

“ஏனென்றால்,  மலேசியாவின்   வெளியுறவுக்  கொள்கை   நாட்டுக்கும்   மக்களுக்கும்   நன்மை   அளிக்கக்கூடிய  பங்காளித்துவத்தை   வளர்ப்பதாக  இருத்தல்  வேண்டும்   என   நம்பினேன்”.  இன்று  கோலாலும்பூரில்  காமன்வெல்த்    பொது   நிர்வாகம்,  மேலாண்மை   சங்கத்தின்      ஈராண்டுக்கொருமுறை   மாநாட்டைத்   தொடக்கிவைத்தபோது   நஜிப்  இவ்வாறு  கூறினார்.

கடந்த  கால  வெளியுறவுக்  கொள்கை  பற்றிக்  குறிப்பிட்ட    நஜிப்,  முன்பு   மலேசியாவுக்குத்   தலைவராக    இருந்தவர்  வேண்டுமென்றே  இணக்கமற்ற  போக்கைக்  கொண்ட   ஒரு  வெளியுறவுக்  கொள்கையைப்  பின்பற்றினார்   என்றார்.  ஒருவேளை   தனிப்பட்ட   புகழுக்கு   ஆசைப்பட்டு    அவர்   அவ்வாறு   செய்திருக்கலாம்.

“ஆனால்,  அது    நாட்டின்   நலனுக்கு   உகந்ததல்ல.  உண்மையில்   அது   தன்னலமிக்கது,  குறுகிய   நோக்கம்  கொண்டது,  பிரச்னைகளைத்  தீர்ப்பதற்குப்  பதில்   அவற்றை   மேலும்   மோசமாக்கக்  கூடியது”,  என்றார்.   நஜிப்  யாருடைய  பெயரையும்   கூறவில்லை   என்றாலும்  மகாதிரைத்தான்   அவர்   குறிப்பிடுகிறார்   என்பதை   ஊகிக்க   முடிகிறது.