1எம்டிபி  விசாரணையில்  ஒரு  முக்கிய   நபரான   தொழில்   அதிபர்   காடெம்  அல்-குபாய்சி,  அபு   டாபியில்   கைது    செய்யப்பட்டார்.

பிரதமர்  நஜிப்   அப்துல்  ரசாக்கின்   மாற்றான் பிள்ளை    ரிசா  அசிசும்   தொழில்  அதிபர்   ஜோ  லாவும்     ஆகஸ்ட்  22-இல்    எதிர்வாதம்   செய்ய     உத்தரவிடப்பட்டிருப்பதாக     செய்தி   வந்துள்ளதை   அடுத்து  அல்-குபாய்சி   கைது   செய்யப்பட்டது  தெரிய   வருகிறது.

ரிசா   அசிசும்,  ஜோ  லாவும்    அமெரிக்க   நீதித்துறை  (டிஓஜே)  வழக்குகளில்  எதிர்வாதிகளாக    குறிப்பிடப்பட்டிருப்பவர்கள்.

1எம்டிபி   விவகாரத்தில்    அவருக்குத்   தொடர்பு  உண்டு  என்றும்    அதற்காகத்தான்   அவர்  கைது   செய்யப்பட்டார்  என்றும்    தகவலறிந்த   வட்டாரங்களில்லிருந்து   தெரிய   வருவதாக   வால்  ஸ்திரிட்  ஜர்னல்(WSJ)  கூறியது.

ஆனால்,   வால்  ஸ்திரிட்   ஜர்னலின்  கூற்றை  மலேசியாகினியால்   உறுதிப்படுத்திக்கொள்ள  இயலவில்லை.

அல்-குபாய்சி    கடந்த  வாரம்   கைது   செய்யப்பட்டதாகக்   கூறப்படுகிறது.  ஏப்ரலில்   அவர்  அமீரகத்திலிருந்து  வெளியேறத்   தடை விதிக்கப்பட்டது,  அங்கு  அவருடைய  சொத்துகளும்    முடக்கப்பட்டன.

கைது  செய்யப்பட்டது   பற்றி  அல்-குயாய்சி    இதுவரை   கருத்துரைக்கவில்லை.  அவரின்  வழக்குரைஞரும்   வாயைத்  திறக்க  மறுக்கிறார்  என   WSJ  கூறிற்று.