பிகேஆர்     துணைத்    தலைவர்    அஸ்மின்   அலி,     ஜன்ம  பகைவர்களாக   விளங்கிய   டாக்டர்   மகாதிர்  முகம்மட்டும்    அன்வார்  இப்ராகிமும்    சந்தித்துக்   கொண்டது    14வது  பொதுத்     தேர்தலை    எதிர்கொள்ள  நல்லதொரு     தொடக்கம்    என   வருணித்துள்ளார்.

அச்சந்திப்பு   14வது   பொதுத்   தேர்தலுக்கு   ஆயத்தமாகும்   வகையில்  மக்களை   ஒன்றுபடுத்தவும்   கட்சிகளை   வலுப்படுத்தவும்    உதவும்   என்றவர்  நம்புகிறார்.

மகாதிர்  நேற்று    2016   தேசிய   பாதுகாப்புச்    சட்டத்துக்கு   எதிராக    அன்வார்  இப்ராகிம்   தொடுத்துள்ள    வழக்குக்கு    ஆதரவு    தெரிவிப்பதற்காக    கேஎல்  உயர்  நீதிமன்றத்துக்கு  வருகை    தந்திருந்தது  பற்றிக்  கருத்துரைத்தபோது     அஸ்மின்    இவ்வாறு   கூறினார்.

அவ்விருவரும்   18  ஆண்டுகளுக்குப்  பின்னர்   நேற்றுத்தான்  முதல்முறையாக  நேருக்கு  நேர்    சந்தித்துக்   கொண்டார்கள்.