தேர்தல்    ஆணையம்    தேர்தல்   தொகுதிகளைச்  சீரமைக்கும்   பணியை  முடிப்பதற்கு   முன்பே    சிலாங்கூரில்   மாநிலத்    தேர்தல்கள்   நடத்தப்பட   வேண்டும்   என்று   டிஏபி   வலியுறுத்துகிறது.

நேற்று   நடைபெற்ற   டிஏபி   அவசரக்  கூட்டத்தில்   அம்முடிவு   எடுக்கப்பட்டதாக   சிலாங்கூர்   டிஏபி    தலைவர்   டோனி  புவா    கூறினார்.

“தெருவில்   போகும்  யாரைக்   கேட்டாலும்   இதைத்தான்   சொல்வார்கள்.

“தேர்தல்  தொகுதி  எல்லைகள்   திருத்தி   அமைக்கப்பட்ட  பிறகு   தேர்தலை    நடத்துவது       முட்டாள்தனம்”,  என  புவா   குறிப்பிட்டார்.

தொகுதி   சீரமைப்புக்குப்   பின்னர்   நடக்கக்கூடியதை  டிஏபி       ஆராய்ந்து  பார்த்து     அதன்   பின்னரே    இப்படி  ஒரு     முடிவுக்கு  வந்ததாக    அவர்   தெரிவித்தார்.

“தொகுதி  சீரமைப்புக்குப்   பின்னர்    வெற்றிபெற  முடியும்   என்று   நாங்கள்  நினைக்கவில்லை,   ஆனால்   அதற்கு  முன்பு     நடத்தப்பட்டால்  வெற்றி   வாய்ப்பு   நிச்சயம்   அதிகம்”,என்றார்.