அரச மலேசிய ஆகாயப் படையின் சார்ஜெண்ட் ஒருவரையும் ஒரு வணிகரையும் ஆகாயப் படையின் ஜெட் விமான இயந்திரங்கள் களவிலும் பணச் சலவை நடவடிக்கைகளிலும் ஈடுபட்டதாகச் சுமத்தப்பட்டிருந்த குற்றச்சாட்டுகளிலிருந்து புத்ரா ஜெயா செஷன்ஸ் நீதிமன்றம் இன்று விடுவித்தது.
என். தர்மேந்திரன், கே. இராஜேந்திரன் ஆகியோருக்கு எதிரான குற்றச்சாட்டுகளை அரசுத் தரப்பு நிரூபிக்கத் தவறிவிட்டது என்று நீதிபதி அஸ்லாம் சைனுடின் தீர்ப்பளித்தார்.
எதிர்வாதத்துக்கு அழைக்கப்படாமலேயே அவ்விருவரும் விடுவிக்கப்பட்டனர்.
தர்மேந்திரன், 48, சுங்கை பீசியில் ஆகாயப்படை முகாமிலிருந்து ஜே8521-ரக இயந்திரங்களைத் திருடுவதற்கு உயர் அதிகாரி முகம்மட் சுக்ரி முகம்மட் யுசுப்புடன் சேர்ந்து திட்டமிட்டார் என்று குற்றம் சாட்டப்பட்டிருந்தது. 2007-இல் அவர் குற்றத்தைப் புரிந்தார் என்று கூறப்பட்டது.
இராஜேந்திரன் அவ்வியந்திரங்களை விற்பதற்கு உதவினாராம்.
