தேர்தல்   ஆணையம்   பரிந்துரைத்துள்ள   தேர்தல்    தொகுதி  எல்லைச்   சீரமைப்புக்கு   எதிராக   பக்கத்தான்  ஹராபான்   வழக்கு   தொடுக்கப்போவதாக    பிகேஆர்     உதவித்     தலைவர்   நூருல்   இஸ்ஸா   அன்வார்   கூறினார்.

“தொகுதி  எல்லைச்  சீரமைப்பை   எதிர்ப்பது   மட்டுமல்ல    இசிக்கு   எதிராக     வழக்கும்   தொடுக்கப்   போகிறோம்”,  என்றாரவர்.

நூருல்,     நேற்றிரவு    கூட்டரசு  பிரதேச   பார்டி   அமனா  நெகாராவின்  முதலாமாண்டு   நிறைவு  விழாவில்     கலந்துகொண்டு    பேசினார்.

தேர்தல்   தொகுதி  எல்லைச்  சீரமைப்பு    பிஎன்,    நாடாளுமன்றத்தில்    மூன்றில்   இரண்டு    பங்கு    பெரும்பான்மை   பெற   வழிகோலும்   என்றாரவர்.

“இதைச்  சொல்லி   வீணே  பயம்   காட்ட   வேண்டாம்   என்கிறார்கள்.

“பிரதமர்   நஜிப்   அப்துல்   ரசாக்    (தேசிய  பாதுகாப்புச்   சட்டத்தைக்  கொண்டு)   பேரரசரின்   அதிகாரத்தையே   கையகப்படுத்திக்   கொண்டிருக்கும்போது    பிஎன்னுக்கு     மூன்றில்  இரண்டு    பங்கு    வெற்றி   கிடைத்தால்    என்ன    ஆகும்,    எண்ணிப்   பாருங்கள்”,  என்றவர்   சொன்னார்.