முன்னாள்   அம்னோ   உதவித்    தலைவர்   ஷாபி  அப்டால்        எதிர்க்கட்சித்    தலைவர்கள்    அவர்களின்   கட்சியை  விட்டு   வெளியேற   பணத்தை   வாரி  இறைத்தார்    என்று   கூறப்படுவதை      பெனாம்பாங்   எம்பி    டேரல்   லெய்கிங்   மறுக்கிறார்.

எதிரணித்   தலைவர்களுக்குப்   பணம்   கொடுப்பட்டதாக   சரவாக்   டிஏபி   தலைவர்    சோங்    சியாங்   ஜென்    நேற்று   குற்றஞ்சாட்டி  இருந்தார்.

“தேர்ந்தெடுக்கப்பட்ட   பிரதிநிதிகள்     எவருக்கும்   பணமோ   பொருளோ  கொடுக்கப்படவில்லை   என்பது   எனக்குத்    தெரியும்.  அவர்கள்   சாபாவில்   அமையவுள்ள    ஒரு   பல்லினக்  கட்சியில்    சேர்வதற்குத்   தாமே  முன்வந்தார்கள்”,  என்று   லெய்கிங்   கூறினார்.

பிஎன்னை  எதிர்க்கும்    தங்களின்   போராட்டத்திலும்    கொள்கைகளிலும்    எந்த   மாற்றமுமில்லை   என்று   கூறிய   லெய்கிங்,    சொல்லப்போனால்,   அது   முன்னைவிட    வேகம்   பெற்றுள்ளது    என்றார்.

சாபாவில்   அமையும்    கட்சிக்கு   சாபா  வாக்காளர்களுக்கு  மட்டுமே  பதில்  சொல்ல    வேண்டிய  பொறுப்பு  இருக்கும்.  சாபாவுக்கு   வெளியில்  உள்ளவர்களின்     கருத்துக்கு   அது   கவனம்   செலுத்த   வேண்டிய   அவசியமிருக்காது    என  ஷாபியின்  கட்சியில்   சேர்வதற்காகவே  கடந்த   மாதம்    பிகேஆரிலிருந்து  வெளியேறிய  லெய்கிங்   ஓர்    அறிக்கையில்    கூறினார்.