டாக்டர்   மகாதிர்  முகம்மட்டும்   அவரின்   கூட்டாளிகளும்   உருவாக்கி   ஒப்படைத்த    குடிமக்கள்   பிரகடனத்தை    ஆட்சியாளர்  மன்றம்   நிராகரித்து   விட்டதாக    மலாக்கா   முதலமைச்சர்    இட்ரிஸ்   ஹருன்   கூறிக்கொள்கிறார்.

இட்ரிஸ்   கடந்த   வாரம்   நடந்த    ஆட்சியாளர்    மன்றக்   கூட்டத்துக்கு     மலாக்கா   ஆளுனர்   முகம்மட்  காலில்   யாக்கூப்புடன்    சென்றதாகவும்   அதனால்   தமக்கு   அது   தெரியும்   என்று   கூறியதாகவும்     பெரித்தா  ஹரியான்    செய்தி   ஒன்று   கூறியது.

“ஆட்சியாளர்   மன்றம்   நஜிப்    அப்துல்  ரசாக்கைப்   பிரதமர்   பதவியிலிருந்து   அகற்ற   வேண்டும்   என்று   கோரிக்கை   விடுக்கும்     மில்லியன்   கையொப்பங்களைக்   கொண்ட    குடிமக்கள்    பிரகடனத்தை      தேசியத்   தலைவர்களைத்   தேர்தல்கள்    வழியாகத்தான்    தேர்ந்தெடுக்க    வேண்டும்   என்று  கூறும்   அரசமைப்புக்கு  முரணானது  என்று  கூறி   நிராகரித்து    விட்டனர்”,  என  இட்ரிஸ்   கூறினார்.

இட்ரிஸுடன்    30   நிமிடம்     என    மலாக்கா   எப்எம்   ஒலியேறிய   நேர்காணல்    நிகழ்ச்சியில்     அவர்  இதனைத்    தெரிவித்தார்    என  பெரித்தான்  ஹரியான்   செய்தி   கூறிற்று.