பிரதமர்   நஜிப்   அப்துல்  ரசாக்  உரிய   நேரத்தில்   வருமான   வரியைச்   செலுத்தி   விடுவதாக    பிரதமர்துறை   அமைச்சர்    அஸலினா  ஒத்மான்   சைட்  இன்று   நாடாளுமன்றத்தில்   தெரிவித்தார்.

அமெரிக்க   அதிபர்   பராக்   ஒபாமாவும்   முன்னாள்   பிரிட்டிஷ்  பிரதமர்   டேவிட்   சேமரனும்    செய்ததுபோல்   நஜிப்பும்   அவரின்   துணைவியார்   ரோஸ்மா   மன்சூரும்   அவர்கள்  செலுத்திய   வருமான   வரியைப்   பகிரங்கமாக     அறிவித்தது   உண்டா    என்று    டாக்டர்   கோ   சங்    சென்    எழுத்துப்பூர்வமாகக்    கேட்டிருந்த   கேள்விக்கு   அஸலினா  இவ்வாறு   பதிலளித்தார்.

அவர்கள்   நன்கொடை   அளித்த   விவரத்தைப்    பொதுவில்    அறிவித்திருக்கிறார்களா   என்பதைத்   தெரிந்து  கொள்ளவும்   டாக்டர்   கோ  விரும்பினார்.

“நஜிப்    வருமான   வரி  வாரியத்தின்  கணக்கீட்டின்படி   ஒவ்வோர்   ஆண்டும்  வருமான  வரி   கட்டத்   தவறுவதில்லை.

“தலைவர்கள்    எதற்கு   நன்கொடை   அளிக்க  விரும்புகிறார்களோ   அதற்குக்  கொடையளிப்பது    அவர்களின்  உரிமை”,  என  அஸலினா  சுருக்கமாகப்   பதிலளித்தார்.