போலீசார் 1எம்டிபி ஊழலைத்தான் விசாரிக்க வேண்டுமே தவிர அஹமட் ஹுஸ்னி ஹனாட்ஸ்லா போன்ற முன்னாள் அமைச்சர்களை அல்ல என்று பாஸ் துணைத் தலைவர் துவான் இப்ராகிம் துவான் மான் கூறினார்.
“ஹூஸ்னியை விசாரிப்பதில் நேரத்தையும் சக்தியையும் விரயமடிக்க வேண்டாம் என்று பாஸ் போலீசுக்குக் கூறிக்கொள்ள விரும்புகிறது.
“அதற்குப் பதில், போலீசார் நீண்ட காலமாக தாமதப்பட்டுக் கிடக்கும் 1எம்டிபிமீதான விசாரணையைத் தொடங்க வேண்டும்”, என துவான் இப்ராகிம் இன்று ஓர் அறிக்கையில் வலியுறுத்தினார்.
போலீசார், வாக்குமூலம் பெறுவதற்காக, ஹுஸ்னியை 1எம்டிபி ஊழல் பற்றிய செய்தி வெளிவந்தபோது இரண்டாம் நிலை நிதி அமைச்சராக இருந்த ஹுஸ்னியை அழைத்திருக்கிறார்கள்.
ஹூஸ்னி, கடந்த வாரம் நாடாளுமன்ற விவாதத்தின்போது அமைச்சரவைக்கு மட்டுமே தெரிந்த 1எம்டிபி தொடர்பான இரகசியத் தகவல்களைக் கசிய விட்டார் எனப் புகார்கள் செய்யப்பட்டதை அடுத்து போலீசார் அவரை விசாரணைக்கு அழைத்திருக்கிறார்கள்.
