மலேசியாவுக்கும்   சீனாவுக்குமிடையில்   வர்த்தக   உறவுகள்   தொடர்ந்து   வலுப்பெற்று   வருவதாகவும்   மலேசியாவில்   சீன   முதலீடு   மேலும்   விரிவடையும்   என்றும்   பிரதமர்   நஜிப்   அப்துல்  ரசாக்   கூறுகிறார்.

கடந்த   ஆண்டில்  சீனா   யுஎஸ்$2  பில்லியனை  மலேசியாவில்   முதலீடு   செய்தது    என்றும்   கடந்த   ஐந்தாண்டுகளைக்    கணக்கில்    எடுத்துக்  கொண்டால்    அதன்   முதலீடுகள்   மேலும்   அதிகரிக்க    வாய்ப்பு    உள்ளது    என்றும்   நஜிப்   தெரிவித்தார்.

“2015-இல்  சீனாதான்   மலேசியாவின்   மிகப்   பெரிய   வாணிகப்  பங்காளி.  2015-இல்  இருதரப்பு   மொத்த  வாணிகத்தின்   அளவு   யுஎஸ்100 பில்லியன்”,  என்றாரவர்.

நஜிப்   இன்று   பெஜிங்கில்   சீனத்   தொழில்  அதிபர்கள்   30பேரை   வட்டமேசை   மாநாடு  ஒன்றில்  சந்தித்தார்.

பிரதமர்   ஆறு- நாள்  அதிகாரப்பூர்வப்  பயணம்   மேற்கொண்டு   சீனா  சென்றுள்ளார்.  அவர்  அங்கிருக்கையில்   மலேசிய   நிறுவனங்கள்   சீன  நிறுவனங்களுடன்   10க்கும்   மேற்பட்ட   ஒப்பந்தங்களைச்  செய்து  கொள்ளும்.