பாஸ்    கட்சி,    14வது   பொதுத்   தேர்தலில்   பிஎன்னுக்கு   எதிராக    நேரடிப்   போட்டியை   உறுதிப்படுத்துவதற்கு   மற்ற   எதிர்க்கட்சிகளுடன்   பேச்சுக்குத்  தயாராக   உள்ளது   என   அதன்   தலைவர்    அப்துல்   ஹாடி  ஆவாங்   கூறினார்.

ஆனால்,  ஒரு  நிபந்தனை.  பாஸின்  தாயகத்தில்   அதற்கு  மற்றவர்கள்   தொல்லை  கொடுக்கக்  கூடாது.

“பாஸ்  எப்போதுமே  (பேச்சுகளுக்கு)  கதவுகளைத்  திறந்து  வைத்துள்ளது. ஆனால்,  அவர்கள்  உள்ளே  வந்ததும்   தொல்லை  கொடுக்கிறார்கள்.

“அதனால்,  எங்கள்  வீட்டில்  தொல்லை  கொடுக்காதீர்கள்”,  என்றவர்   கேட்டுக்கொண்டார்.  அப்துல்  ஹாடி   இன்று  நாடாளுமன்றத்தில்   செய்தியாளர்களிடம்   பேசினார்.