1எம்டிபி தலைவர் அருள் கண்ட கந்தசாமி ஆஸ்திரேலியாவின் சிட்னிக்கு ஒரு நிகழ்வில் கலந்துகொள்ளச் சென்றபோது அவரின் உணவுக்கான செலவை மட்டுமே தான் ஏற்றதாக தொடர்பு, பல்லூடக அமைச்சு கூறியது.
நியூ சவுத் வேல்ஸ் பல்கலைக்கழகத்தில் நடத்தப்பட்ட 1எம்டிபி நிகழ்வில் கலந்து கொள்வதற்காக அருள் சென்றார் என்பதால் அவரின் பயணச் செலவை அரசாங்கம் ஏற்க வேண்டிய “அவசியம் எழவில்லை” துணை அமைச்சர் ஜைலானி ஜொகாரி கூறினார்.
“அருள் கந்தா தனிப்பட்ட முறையில்தான் சென்றார். அதனால் அவரின் பயணச் செலவு எங்கள் பொறுப்பல்ல. உணவும் பானங்களும் மட்டும்தான் எங்கள் செலவு”, என ஜைலானி நாடாளுமன்றத்தில் அந்தோனி லோக்கின் (டிஏபி- சிரம்பான்) கேள்விக்குப் பதிலளித்தபோது ஜைலானி கூறினார்.
