தெரு   ஆர்ப்பாட்டங்கள்    நம்  கலாச்சாரத்தின்   ஒரு  பகுதியாகவே  இருந்து   வந்துள்ளன    என்று   கூறிய   பெர்சே   தலைவர்   மரியா  சின்  அப்துல்லா  நாடு   சுதந்திரம்  பெறுவதற்குமுன்   அம்னோ   பிரிட்டிஷாரை   எதிர்த்து   ஆர்ப்பாட்டம்  செய்தது   உண்டு    என்றார்.

இன்று   காலை    பிரதமர்  நஜிப்   அப்துல்   ரசாக்   தெரு   ஆர்ப்பாட்டங்கள்   நம்  கலாச்சாரமல்ல   என்று   கூறியிருந்தது    குறித்து   மரியா   கருத்துரைத்தார்.

“அன்று     தெருவில்   இறங்கி    ஆர்ப்பாட்டம்   செய்திராவிட்டால்  இன்று  அம்னோ  இருந்திருக்காது.

“எப்படி  சுதந்திரம்    பெற்றோம்   என்பதை  நினைத்துப்   பாருங்கள்.  வரலாற்றின்   தொடக்கத்திலேயே   தெரு  ஆர்ப்பாட்டம்  செய்திருக்கிறோம்.

“எனவே,  கருத்து  மாறுபாடு  கொள்வது   நம்  உரிமை.   தெரு  ஆர்ப்பாட்டம்   என்பது   எப்போதும்   நம்  கலாச்சாரம்தான்”,  என்றாரவர்.