மியான்மியார் சென்றுள்ள மலேசிய ஆயுதப்படைத் தலைவர் ஜெனரல் சுல்கிப்ளி முகம்மட் ஸின் சீர்கெட்டுப்போன இரு நாட்டு உறவுகளைச் சீர்படுத்தும் முயற்சியில் ஈடுபட்டிருப்பதாக அறிவிக்கப்பட்டுள்ளது.
சுல்கிப்ளி மியான்மார் அதிபர் யு ஹ்டின் க்யாவையும் மூத்த ஜெனரல் மின் அவுங் ஹ்லாயிங்கையும் சந்தித்தாக மியான்மார் டைம்ஸ் கூறியது.
சந்திப்பு நடந்ததை மியான் ஆயுதப் படை உயர்த் தலைவர் அலுவலகம் வெளியிட்ட அறிக்கை உறுதிப்படுத்தியது.
“முஸ்லிம் ரோஹின்யாக்கள்மீது மனித உரிமை மீறல்கள் நடந்ததில்லை என்பதை மூத்த ஜெனரல் மின் அவுங் ஹ்லாயிங் தமது மலேசிய சகாவிடம் தெரிவித்தார் என அவ்வறிக்கை கூறியது”, என டைம்ஸ் தெரிவித்தது.
இவ்விசயத்தில் மியான்மார் அதிகாரிகள் பொய் சொல்ல முடியாது. உள்நாட்டு, அனைத்துலக கவனம் எல்லாம் அந்நாட்டின்மீதுதான் இருக்கிறது”, என அச்செய்தி கூறியது.
அரசதந்திர உறவுகள் பதற்றமடைய “தப்பான செய்திகளே” காரணம் என்றும் அவ்வறிக்கை குறிப்பிட்டது.
