பாஸ் 14வது பொதுத் தேர்தலில் பக்கத்தான் ஹராபானுடன் ஒத்துழைக்கப் போகிறதா இல்லையா என்பதை தெள்ளத் தெளிவாக தெரிவிக்க வேண்டும் என பார்டி அமனா நெகரா விரும்புகிறது.
“பாஸ் 2016 இறுதிக்குள் அதன் முடிவைத் தெரிவிக்க வேண்டும் என்று பக்கத்தான் ஹராபான் ஒரு கெடுவை நிர்ணயிக்க வேண்டும். அப்போதுதான் நம்முடன் இருப்பவர் யார் எதிர்ப்பவர் யார் என்பதை தெளிவாக தெரிந்து கொள்ள முடியும்”, என அமனா உதவித் தலைவர் முஜாஹிட் யூசுப் ராவா கூறினார்.
“அவர்கள் நம்முடன் ஒத்துழைக்கவில்லை என்றால் அவர்கள் பிஎன்னுடன் இருப்பதாகக் கருதிக்கொள்ள வேண்டியதுதான்.
“நடுநிலை என்பது பக்கத்தானுக்கு நன்மையாக இராது, அது பின்னுக்குத்தான் சாதகமாக அமையும்”, என அந்த பாரிட் புந்தார் எம்பி கூறினார்.
