டாக்டர்    மகாதிர்   முகம்மட்   அம்னோவில்   இருந்துகொண்டு    தம்   புதல்வர்   முக்ரிஸைப்  பிரதமராக்க   முயன்று   தோல்வி  கண்டதால்   இப்போது   டிஏபியின்   அரவணைப்பில்   அதைச்   சாதிக்க   எண்ணுகிறார்   என   அம்னோ  இளைஞர்   தலைவர்   ஒருவர்   குற்றம்   சாட்டியுள்ளார்.

டிஏபியும்   அவருக்கு  உதவ  மறுத்தால்    அங்கும்   பூகம்பம்  வெடிக்கும்     என   கைருல்  அஸ்வான்  ஹருன்   கூறினார்.

முக்ரிஸ்   தொடர்பில்   பிரதமர்    நஜிப்   அப்துல்   ரசாக்குக்குக்  கடும்   நெருக்குதல்   கொடுத்து  வந்தார்  மகாதிர்.   நஜிப்   அதற்குப்  பணியவில்லை   என்பதால்   பிரதமரையே  கவிழ்க்கத்     திட்டமிட்டார்.

“அந்த  முயற்சியும்  முறியடிக்கப்பட்டது.  அம்னோ  தலைவர்களும்   அடிநிலை   உருப்பினர்களும்   மகாதிரின்  அரசியல்    திட்டத்தை   நிராகரித்து  மக்களின்   நலனுக்கும்   அம்னோவின்    நலனுக்கும்   முன்னுரிமை   அளித்தனர்.

“தம்  நோக்கம்   நிறைவேற   அம்னோவைப்  பயன்படுத்திக்கொள்வதில்   தோல்வி    கண்ட   மகாதிர்   டிஏபியுடன்   கூட்டுச்   சேர்வது    உள்பட,   எதையும்   செய்யத்   தயாராகி  விட்டார்”,   என்று   புதிதாக    செனட்டராக்கப்பட்ட  கைருல்    ஓர்    அறிக்கையில்   கூறினார்.