பெர்சே   தலைவர்   மரியா  தடுப்புக்  காவலில்    இருந்தபோது   தடுப்புக்  காவலில்    உள்ளவர்கள்   எப்படி   நடத்தப்படுவார்களோ   அப்படித்தான்   அவரும்   நடத்தப்பட்டார்   என   உள்துறை  துணை   அமைச்சர்    நூர்  ஜஸ்லான்  முகம்மட்   கூறினார்.

“வழக்கமான    நடைமுறைகளின்படிதான்    நடத்தப்பட்டார்.  அவர்  வேறு  மாதிரி    நடத்தப்படவில்லை”,  என்றவர்  கூறியதாக   பிரி  மலேசியா  டூடே)எப்எம்டி)  செய்தி   குறிப்பிடுகிறது.

“தடுப்புக்  காவல்   அனுபவம்   குறித்து   பேச    அவர்  விரும்பினால்  தாராளமாக   பேசட்டும்”,  என்று  நூர்  ஜஸ்லான்    கூறினார்.

தடுப்புக்  காவலில்  இருந்தது  பற்றிக்   கேட்டதற்கு     அதை  ஒரு      “சோதனைக்  காலம்”  என்று  மரியா   வருணித்திருந்தார். ஒவ்வொரு   நாளும்  ஆறிலிருந்து   எட்டு  மணி  நேரம்   போலீசார்   அவரை  விசாரித்தார்களாம்.