பெர்லிஸ்  மாநில    அரசு   மதமாறிய   பெற்றோரில்   ஒருவர்    மதமாறாத   மற்றொரு  பெற்றோரின்   அனுமதியின்றி    பிள்ளைகளை  ஒருதலைப்பட்சமாக     இஸ்லாத்துக்கு  மதமாற்றுவதற்கு   வகை   செய்யும்   சட்டத்திருத்தத்தைக்  கொண்டு    வந்திருப்பதை   மஇகா    சாடியுள்ளது.

இந்த  விவகாரம்தான்   இந்திரா  காந்தி   வழக்கு  உள்பட   பல   வழக்குகளில்   பெரும்  பிரச்னையாக   உள்ளது    எனக்  கட்சித்   தலைவர்   டாக்டர்  எஸ். சுப்ரமணியம்   கூறினார்.

“இந்நாட்டில்   சமயங்களுக்கிடையில்     முள்ளாய்  உறுத்திக்  கொண்டிருக்கும்
இவ்விவகாரத்துக்கு   நிரந்தரத்   தீர்வு   காண   மத்திய  அமைச்சரவை   முயன்று   வரும்   வேளையில்   பிஎன்   அரசு  ஒன்றின்   இச்செயல்    சமய   இணக்கத்துக்கு   ஏற்பட்டுள்ள   மிகப்  பெரிய  பின்னடைவு.

“இது  மலேசிய  மக்களிடையே  மேலும்  ஒற்றுமையின்மையைதான்    கொண்டு  வரும்”,  என்று   அவர்  ஓர்   அறிக்கையில்    கூறினார்.