இன்று    ஷா   ஆலம்    செஷன்ஸ்    நீதிமன்றத்தில்     தெக்குன்   நேசனல்   கடனுதவிக் கழகத்தின் தலைமைச் செயலதிகாரியும்  நிர்வாக   இயக்குனருமான     அப்துல்  ரகிம் ஹசான்,  அவர்மீது    சுமத்தப்பட்ட    இரண்டு    ஊழல்   குற்றச்சாட்டுகளை   மறுத்து    விசாரணை    கோரினார்.

அந்த   62வயது  நபர்    2015,  ஜனவரி   13-இல்,   பாசடானா   நிறுவனத்துக்கு  ரிம 360,009. 08  தொகையைத் துரிதமாகப் பெற்றுத் தர 36,000 ரிங்கிட்டைக்   கையூட்டாகக்      கேட்டார்   என்பது    அவர்மீதான   முதல்  குற்றச்சாட்டு.

அதே    ஆண்டு    ஜனவரி   15-இல்    கையூட்டுத்   தொகையான  ரிம36,000-த்தை     அவர்   கிளாப்   ஷா    ஆலம்     வளாகத்தில்  பெற்றுக்கொண்டார்     என்பது   இரண்டாவது    குற்றச்சாட்டு.

செஷன்ஸ்   நீதிபதி  அஸ்மாடி   உசேன்,  ரிம18,000  ரொக்கத்துடன்   ஒரு   நபர்   பிணையில்    அவரை   விடுவித்தார்.

அவர்மீதான   வழக்கு    இவ்வாண்டு   மார்ச்  13-இல்   விசாரணைக்கு   வருகிறது.