சிலாங்கூர் அரசு சில்லறை வியாபாரிகளை பிளாஸ்டிக்- அல்லாத பைகளை வழங்கும்படி கட்டாயப்படுத்தாது. ஏனென்றால், அப்படிச் செய்வது அதன் கொள்கையின் உண்மையான நோக்கத்தை தோற்கடிப்பதாக அமையும்.
நெகிழிப் பைகளுக்கு வியாபாரிகள் பயனீட்டாளர்களிடம் 20 சென் வாங்குவதுகூட அரசுக்குச் செல்லாது. ஏனென்றால் அதன் மூலமாக நிதி திரட்டுவது அரசின் நோக்கமல்ல என்று சிலாங்கூர் ஆட்சிமன்ற உறுப்பினர் எலிசபெத் வோங் கூறினார்.
“நெகிழிப் பைகளின் பயன்பாட்டைக் குறைப்பதுதான் எங்களின் நோக்கம். மாற்றுப் பைகளை நாங்கள் கொடுக்கப் போவதில்லை. பொருள் வாங்கச் செல்லும்போது பயனீட்டாளர்கள் சொந்த பைகளைக் கொண்டு செல்ல வேண்டும் என்பதை அறிவுறுத்துவதே எங்களின் நோக்கம்.
“அதனால் நெகிழிப் பைகளுக்குப் பதிலாகக் காகிதப் பைகள் கொடுப்பது போன்றவை அந்த நோக்கத்துக்கு ஏற்புடையதல்ல ”, என கோம்பாக்கில் வோங் கூறினார்.
சிலாங்கூர் ஆட்சிமன்ற உறுப்பினர் எலிசபெத் வோங் அவர்களே, பொருட்கள் வாங்கும் போது, பிளாஸ்டிக் பைகளை கடைக்காரர்கள் உபயோகம் செய்தால், அது சுற்றுப்புற சூழலுக்கு மாசு ஏற்படுத்தும என்று உங்களைப் போன்றவர்கள் பிரசங்கம் செய்தீர்கள். அதற்கு பதில் சீக்கிரம் மக்கிப் போகும் காகிதப் பைகளை உபயோகம் செய்யலாம் என்று அறிவுரை கூறினீர்கள்! அந்த யோசனையை எத்தனை கடைக்காரர்கள் அமுல் படுத்துகிறார்கள்! இப்போது ஒவ்வொரு பிளாஸ்டிக் பையுக்கு இருபது காசை வசூல் செய்கிறார்கள். பையனீட்டாளர்கள் ஒவ்வொரு முறையும் கடைகளுக்கு போகும் போது, சொந்தமாக பைகளை கொண்டு செல்வது சாத்தியமில்லை. மேல் நாடுகளைப் போல் காகிதப் பைகளை கடைக்காரர்கள் உயோகம் செய்ய வேண்டும் என்று சட்டங்களை கொண்டுவாருங்கள். அப்போதுதான் இதற்கு ஒரு தீர்வு கிடைக்கும்! சுற்றுப் புறமும் தூய்மையாக மாறும்! நன்றி.
எதிரணியில் பல புத்திசாலியான, திறமையான தலைவர்கள் உள்ளனர் என்று நாங்கள் பெருமைப்பட்டுக் கொண்டிருக்கும் வேளையில் இல்லை இல்லை எதிரணியில் எங்களைப் போல சிலரும் உள்ளனர் என்று சில அரைவேக்காடுகள் நமக்கு நினைவுபடுத்திக் கொண்டே இருக்கிறார்கள்.
1. இருபது சென் கொடுத்து வாங்கும் நெகிழிப்பைகள் சீக்கிரம் மக்கி அழிந்து விடுமா என்ன?
2. நெகிழிப்பைகள் பயன்பாட்டை அகற்று முன் அதற்கான மாற்றுவழியை பயன்பாட்டுக்கு கொண்டுவரச் செய்திருக்க வேண்டுமா இல்லையா?
3. நெகிழிப் பைகளுக்குப் பதிலாகக் காகிதப் பைகள் கொடுப்பது போன்றவை அந்த நோக்கத்துக்கு ஏற்புடையதல்ல என்று நீங்கள் சொல்வது எந்த வகையில் நியாயம்? அப்படியானால் மீன் இறைச்சி உள்ளிட்ட பொருட்களை நாங்கள் சட்டை சிலுவார் பாக்கெட்டுகளில் போட்டுக் கொண்டு வரவேண்டும் என்று சொல்கிறீர்களா? அல்லது கைலி போர்வைகளில் மூட்டையாகக் கட்டி தோளில் சுமந்து வரவேண்டும் என்று நீங்கள் பரிந்துக்கிறீர்களா? எந்த விதிகளையும் சட்டத்தையும் அமல்படுத்து முன் அவை பொதுமக்களை எவ்விதத்திலும் பாதிக்கக்கூடாது என்று தீர யோசித்துச் செய்யுங்கள். இல்லாவிட்டால் ‘அவர்களுக்கும்’ ‘உங்களுக்கும்’ வித்தியாசம் இல்லாமல் போய்விடும்.
இந்த நெகிழி பை விவகாரம் தீர்வடைய மிகவும் சிரமம். நெகிழி பைகளுக்கு மாற்றாக காகித பைகளை பயன்பாட்டிற்கு கொண்டு வர நாம் முயற்சிக்கலாம். ஆனால் காகித பை பயன்படுத்த வேண்டுமானால் அதற்காக அதிகமான மரங்கள் அழிக்கப்படவேண்டும். அதுவும் நமக்கு பாதகத்தையே கொணரும். இதனை தவிர்க்கத்தானே நெகிழிப்பைகள் அறிமுகப்படுத்தப்பட்டன. நெகிழிக்கு முன் எல்லா பொருட்களையும் காகிதத்தில்தான் மடித்து கொடுப்பார்கள். அதோடு வாழை இலை அல்லது மற்ற இலைகளையும் பயன்படுத்தினார்கள் . சாதாரணமாக சிறு சிறு பலகாரங்களுக்குக்கூட இதனையே பயன் படுத்தினர். அப்பொழுது இவைகளால் அதிக மரங்கள் சேதமடைந்து இயற்கை மாசு அடைகிறது என்று குறைப்பட்டுக்கொண்டோம். நெகிழி வந்ததும் ஏதோ ஒரு முன்னேற்றம் என்று பலரும் இறுமாந்திருந்தோம் காரணம் அதனின் விளைவுகளை நாம் அப்போது காணவில்லை. இப்போது நாம் பாதிக்கப்பட்டுள்ளோம். நாம் அவ்வப்போது நமது வசதிக்கும் தேவைக்கும் ஏற்ப மாறி பின்பு அவைகளின் எதிர்மறையான விளைவுகளை கண்ட பின்புதான் கவலையடைகிறோம்.ஒருகால் நாம் வாங்கவேண்டிய பொறுகளுக்கேற்ப, மீண்டும் மீண்டும் பயன்படுத்தக்கூடிய கொள்கலன்களை பயன்படுத்தலாம். அம்மாதிரியான கொல்களங்களை எடுத்து செல்வது சிறிது சிரமமாக இருக்கலாம். ஆனால் காலவோட்டத்தில் பழகிவிடும். இன்று நான் மட்டுமே அப்படி எடுத்து செல்லும்போது மற்றவர் ஒரு வகையாக பார்ப்பார். ஆனால் அதுவே முறை என்று பலர் பயன்படுத்தும்போது,………முயற்சி செய்து பார்ப்போம். இறைவன் நம் எல்லோரையும் ஆசீர்வதித்து வழி நடத்துவாராக.