வெள்ளிக்கிழமை, கோலாலும்பூரில், அமெரிக்கத் தூதரகக்கு வெளியில், அமெரிக்க அதிபர் டோனல்ட் டிரம்ப் ஏழு முஸ்லிம் நாடுகளின் குடிமக்கள் அமெரிக்காவுக்குள் நுழைய தடை விதித்திருப்பதற்கு எதிராக பக்கத்தான் ஹராபான் ஏற்பாடு செய்துள்ள கண்டனக் கூட்டத்தில் பாஸ், அம்னோ இளைஞர் பிரிவுகள் கலந்துகொள்ள மாட்டா.
“எதிரணி ஏற்பாடு செய்யும் நிகழ்வுகளில் நாங்கள் கலந்து கொள்ள மாட்டோம்”, எனக் கூட்டரசு பிரதேச அம்னோ இளைஞர் தலைவர் ரஸ்லான் ரபி மலேசியாகினியிடம் தெரிவித்தார்.
ரஸ்லான், டிரப்பின் தடை உத்தரவைப் பெரிதுபடுத்த விரும்பாதவர்போல் பேசினார். அதிபரின் அந்த உத்தரவு “இஸ்லாத்துக்கு எதிரானது”, “அடிப்படை மனித உரிமைகளுக்கு எதிரானது” எனப் பலரும் குறைகூறியுள்ளனர்.
“ஏழு நாடுகளுக்கு எதிரான டிரம்பின் தடையுத்தரவு ஒரு நாட்டின் தனிப்பட்ட விவகாரம். அதை மனிதாபிமான விவகாரம் என்று சொல்ல முடியாது. அது மியான்மாரில் ரோஹிஞ்யாக்களுக்கு நிகழ்ந்தது போன்றதல்ல”, என்றாரவர்.
பாஸ் இளைஞர்களும் ஹராபான் ஏற்பாடு செய்துள்ள கண்டனக் கூட்டத்தில் கலந்துகொள்ள மாட்டார்கள் என பாஸ் இளைஞர் உதவித் தலைவர் முகம்மட் கைருல் நிஸாம் கைருடின் கூறினார்.
“தடை உத்தரவுக்கு எதிராக நாங்கள் தனியே ஒரு கண்டனக் கூட்டம் ஏற்பாடு செய்வோம்”, என்றாரவர்.
ஒப்புக்கு கண்டனபோராட்டம் நடத்துங்கள்
ஓவராபோனால் நம் பிரதமர் அமெரிக்கா
போய் அதிபரோடு கோல்ப்பு விளையாட
முடியாது.
மூன்று தலைமுறையினராக வாழ்ந்து இங்கேயே பிறந்து வளர்ந்து இந்த நாட்டின் வளர்ச்சிக்கு உதவி மண்ணாகிப் போன அந்த திக்கற்ற வாரிசுகளின் [இந்தியர்களின்] பிள்ளைகளுக்கு இங்கு கல்வி கற்க மறுக்கப்படுகிறதே அது அடிப்படை மனித உரிமை மீறல் இல்லையா?அடுத்தவன் முதுகை பார்ப்பதட்கு முன் முதலில் உங்கள் முதுகின் அழுக்கை கழுவுங்கடா!
அம்னோ இளைஞர் கலந்து கொள்ளாதது சரியே! இந்தியாவில் தேடப்படும் ஒரு தீவிரவாதிக்கு இங்கு அடைக்கலம் கொடுத்திருக்கிறார்களே!
தன்னுடைய நாடு , அங்கே யார் நுழையலாம் – கூடாது என்ற சட்டம் போடும் அதிகாரம் அந்நாட்டு அதிபருக்கு உண்டு ! தீவிரவாதிகள் உருவாவதே அந்த நாடுகளில்தான் !!. சம்பந்தமே இல்லாத பக்கத்தான் இந்த விவகாரத்தில் மூக்கை நுழைப்பது ஏன்?? 60 ஆண்டுகளுக்கு முன் , மலேசியா இஸ்ரேல் மீதி கொண்டுவந்த சட்டம் இன்னமும் அமலில் உள்ளது ! நாமும் அங்கு போகமுடியாது , அவர்களும் நம் நாட்டுக்குள் நுழைய முடியாது . இதைப்பற்றி நாம் யாரும் கேள்வி எழுப்பவில்லையே ??