பாலியல்  குற்றங்களுக்காகவும்   வேறு   பல    குற்றங்களுக்காகவும்  கனடாவில் 24 ஆண்டுகள் சிறைத் தண்டனை அனுபவித்த  செல்வகுமார்    சுப்பையா    இன்று  காலை   7.30க்கு   கோலாலம்பூர் அனைத்துலக விமான நிலையம்   வந்தடைந்தார்.

56வயது   நிரம்பிய    அவரை   கனடா   போலீஸ்   அதிகாரிகள்  அழைத்து   வந்ததாக    செல்வா  குடும்பத்துக்கு   நெருக்கமான   ஒருவர்    தெரிவித்ததாக   ஃப்ரி   மலேசியா   டூடே   கூறிற்று.

செல்வா,  எதிர்பார்த்ததுபோல்    பினாங்கு   செல்ல   மாட்டாராம்,     கோலாலும்பூரில்தான்     இருப்பாராம்.   இதையும்     அவ்வட்டாரம்தான்   தெரிவித்தது.

இதனிடையே,  செல்வாவைச்   சந்திக்க   சுமார்   20 செய்தியாளர்கள் விமான நிலையத்தில் காத்திருந்தனர்   என்றும்  ஆனால்,  அவர்   வேறு  வழியாக   விமான  நிலையத்தை  விட்டு   வெளியேறிச்    சென்று   விட்டதாகவும்   நியு   ஸ்ரேய்ட்ஸ்  டைமஸ்    தெரிவித்தது.