தொழிலாளர் சேமநிதி (இபிஎப்) 1எம்டிபியில் செய்திருக்கும் ரிம1.72 பில்லியன் முதலீட்டை உடனடியாகத் தள்ளிவிட்டு வெளியேற வேண்டும் என்று பாக்கத்தான் ஹரப்பான் தலைவர்கள் இபிஎப்பை வலியுறுத்தியுள்ளனர்.
2016 ஆம் ஆண்டுக்கான இபிஎப்பின் இலாபப் பங்கு விகிதம் குறைந்ததற்கான காரணம் 1எம்டிபியில் இபிஎப் செய்துள்ள ரிம1.72 பில்லியன் முதலீடாகும் என்று அமனா நெகாராவின் சுல்கிப்லி அஹமட், பிகேஆரின் வோங் சென் மற்றும் டிஎபியின் தெரசா கோக் ஆகியோர் இன்று கூட்டாக விடுத்துள்ள ஓர் அறிக்கையில் கூறியுள்ளனர்.
இபிஎப்பை போலவே தாபுங் ஹஜி போன்ற அமைப்புகளும் அரசு முதலீட்டு நிதியில் செய்துள்ள முதலீடுகளை எடுத்துக்கொண்டு வெளியேற வேண்டும் என்று அவர்கள் கேட்டுக்கொண்டுள்ளனர்.
இபிஎப் நிதிப் பிரச்சனைகளை எதிர்கொண்டுள்ளது. அது இபிஎப் உறுப்பினர்களைப் பாதிப்புக்குள்ளாக்கும் என்று கூறிய அவர்கள், இபிஎப் செய்துள்ள ரிம1.72 பில்லியன் முதலீடு ஒரு பெரும் தொகையாகும், அது மக்களின் சேமிப்பிலிருந்து வந்ததாகும் என்றனர்.
அந்த முதலீட்டை, மற்ற முதலீடுகள் பெற்றுத் தந்த லாப ஈவுக்கு குறையாத லாப ஈவுடன் திர்ம்ப பெறவேண்டும். கடந்த ஆண்டுக்கான சந்தா வட்டி விகிதத்தை 5.7% விகிதத்திலிருந்து 6.5% க்கு உயர்த்த வேண்டும். மேலும் மேற்படி தவறான முதலீட்டுக்கு பொறுப்பேற்று சேமநிதி வாரிய இயக்குநர் பதவி விலக வேண்டும்.
எல்லாமே ஊழல் தில்லு முள்ளு — இது கடந்த 1957 ல் இருந்து நடக்கிறது– ஆனால் இன்று அது தலைக்கு மேல் போய்விட்டது– காரணம் இதுநாள் வரையில் யாராலும் ஒன்றும் செய்ய முடிய வில்லை -பணம் பதவி அதிகாரம் கையில் வைத்து ஆட்டம் போட்டுக்கொண்டிருக்கிறான்கள் அரசியல் பலத்தோடு.