நேற்றிலிருந்து சீனியின் விலை ஒரு கிலோவுக்கு 11 சென் அதிகரிக்கப்பட்டிருப்பதை உள்நாட்டு வாணிக அமைச்சு அதன் முகநூல் வழி இன்று வெளியிடப்பட்ட அறிக்கையில் உறுதிப்படுத்தியுள்ளது. புதிய விலை ஒரு கிலோ ரிம2.95 ஆகும்.

கடந்த 2013 ஆண்டு ஆகஸ்ட் 25 க்குப் பிறகு இப்போதுதான் சீனி 11 சென் விலை உயர்வு கண்டுள்ளது. இந்த விலை ஏற்றத்திற்கு காரணம் உலகச் சந்தையிலிருந்து இறக்குமதி செய்யப்படும் சுத்தி செய்யப்படாத சீனியின் விலை பெருமளவில் ஏற்றம் கண்டுள்ளதுதான் காரணம் என்று கூறப்படுகிறது.

இருப்பினும், மற்ற நாடுகளுடன் ஒப்பிடுகையில் அரசாங்கம் சீனியின் விலையை இன்னும் கட்டுப்பாட்டில், மிகக் குறைந்த அளவில், வைத்திருப்பதாக அந்த அறிக்கை கூறுகிறது.