வட   கொரியரான   கிம்   ஜொங்-நாம்   இறப்புக்குக்    காரணம்    மாரடைப்பு   என்று   பிணப்   பரிசோதனை     அறிக்கை   குறிப்பிடவில்லை  என்பதைச்  சுகாதார    அமைச்சர்   டாக்டர்   எஸ்.சுப்ரமணியம்   இன்று   உறுதிப்படுத்தினார்.

கிம்   மாரடைப்பால்     இறந்தார்    என்று   வட   கொரியா   கூறியிருப்பதை    மலேசிய    தடயவியல்    குழு   ஏற்கனவே   நிராகரித்திருப்பதை   அமைச்சர்    சுட்டிக்காட்டினார்.

“வட   கொரியா   யாரை    அல்லது     எந்த    மருத்துவ    அறிக்கையை    அடிப்படையாக   வைத்து    அப்படிக்   கூறுகிறது    என்பது    தெரியவில்லை.

“ஆனால்,  அவர்கள்  அவர்   மாரடைப்பால்    காலமானார்    என்றுதான்    சொல்லி    வருகிறார்கள்.   இறப்புக்கான   காரணத்தைக்   கண்டறியும்    ஆய்வுகளை    மேற்கொள்ளாமலும்    அல்லது   பிணப்  பரிசோதனை    அறிக்கையைப்   பார்க்காமலும்   எப்படி   அப்படி  ஒரு   முடிவுக்கு    வந்தார்கள்?”,   என்று  அமைச்சர்   வினவினார்.