மலேசியாவில்   சீனாவின்   உதவியுடன்   மேற்கொள்ளப்படும்    திட்டங்களில்  உள்ளூர்  மக்கள்  வேலைக்கு   அமர்த்தப்பட   மாட்டார்கள்   என்று  கூறப்படுவதை  அனைத்துலக    வாணிக,  தொழில்  துணை  அமைச்சர்   சுவா  டீ   யோங்   மறுத்தார்.

மலேசிய- சீன   குவாந்தான்    தொழில்   பூங்காவில்    அலையன்ஸ்  ஸ்டீல்   (ம)  சென்.பெர்ஹாட்  தொடங்கியுள்ள   எஃகு  ஆலையை    அவர்   சுட்டிக்காட்டினார். அந்நிறுவனம்  சீனாவின்   Guangxi Beibu Gulf Iron and Steel Investment Co Ltd-இன்  துணை   நிறுவனம்.

“அத்திட்டம்  3,648   வேலைவாய்ப்புகளை   வழங்குகிறது.  அதில்   மலேசியர்கள்   53  விழுக்காடு   வேலைவாய்ப்புகளைப்   பெறுவார்கள்”, என்று   சுவா  இன்று   நாடாளுமன்றத்தில்  கூறினார்.