பத்து நாடாளுமன்ற தொகுதி உறுப்பினர் தியன் சுவா அவர் குற்றவாளி என அளிக்கப்பட்ட தீர்ப்பு சம்பந்தமான வழக்கு முடிவடையும் வரையில் தொடர்ந்து தேர்ந்தெடுக்கப்பட்ட பிரதிநிதியாக இருப்பார்.
ஒரு போலீஸ் அதிகாரியை அவமதித்ததற்காக தியன் சுவாவுக்கு பெட்டாலிங் ஜெயா செசன்ஸ் நீதிமன்றம் இன்று ரிம3,000 அபராதம் விதித்தது. இது குறித்து கருத்துரைத்த நாடாளுமன்ற மக்களவைத் துணைத் தலைவர் ரோனல்ட் கியான்டி, தியன் இன்னும் பெடரல் உச்சநீதிமன்றம் வரையில் மேல்முறையீடு செய்ய முடியும் என்றார்.
தியன் உடனடியாக நாடாளுமன்ற உறுப்பினர் தகுதியை இழக்கமாட்டார். அவரது வழக்கு சம்பந்தப்பட்ட சட்ட நடவடிக்கைகள் அனைத்தும் முடிவுற்ற பின்னர், அவர் குற்றவாளி என்பது நிலைநிறுத்தப்பட்டால், அப்போதுதான் அவர் நாடாளுமன்ற உறுப்பினர் என்ற தகுதியை இழப்பார் என்று துணைத் தலைவர் இன்று நாடாளுமன்ற வளாகத்தில் பெர்னாமாவிடம் கூறினார்.
பெடரல் அரசமைப்புச் சட்டப்படி, நாடாளுமன்ற உறுப்பினர் ஒருவர் குற்றவாளி என்று தீர்ப்பளிக்கப்பட்டு ஓர் ஆண்டிற்கு மேற்பட்ட சிறை தண்டனை அல்லது ரிம2,000 அபராதம் விதிக்கப்பட்டால் அவர் நாடாளுமன்ற உறுப்பினர் தகுதியை இழப்பார்.
வேண்டாத எம் பி களுக்கெல்லாம் ஒரு குற்றம் சாட்டி இரண்டு ஆயிரம் அபராதம் விதித்து விட்டால் அவர்கள் இன்றி பாராளுமன்றம் அமைதியாக செயல்படும் .பெரும் குற்றங்களை மன்னித்து விடலாம் .
1. மக்கள் நம்பிக்கையை பெருமளவில் நீதித்துறைகள் சுதந்திரமாக செயல்படவேண்டும். இந்த நீதிமன்றத்தின் தீர்ப்பானது சட்ட மன்றத்திலும் நாடாளுமன்றத்திலும் மக்களால் தேர்ந்தெடுக்கப் பட்ட உறுப்பினர்கள், அவர்கள் யாராகயிருந்தாலும் உள்ளும் புறமும் எவ்வளவுப் பொறுப்புடனும் கட்டுப் பாடுடணும் நடக்க வென்பதை தெளிவாக கூறியுள்ளது; இனிய வரும் களங்களில் மற்றவர்கள் நீதிமன்றத்தின் இந்தத் தீர்ப்பை ஒருப் படிப்பினையாகக் கருத வேண்டும்.
2. மக்களாகிய நமக்கும் மிகப் பெரியப் பொறுப்பும் கடமையுமுள்ளது; நாம்தான் இந்த சட்டமன்ற நாடாளுமன்ற உறுப்பினர்களை தேர்வு செய்கின்றோம்; தேர்தல் ஆணையத்தில் நாம் பதிவுச் செய்துக் கொண்டால்தான் நாம் இவர்களை ஒவ்வொருப் பொதுத் தேர்தல்களிலும் தேர்ந்தெடுக்க முடியும்; மக்களாட்சி நமக்களிப்பட்ட இந்த உரிமையை நாம் ஒருப் பொருட்டாக கருதுவதில்லை; இந்த உரிமையை நாம் இதுநாள்வரையிலும் சரியாகவும் முழுமையாகவும் பயன்படுத்திக் கொள்ளவில்லை; நாம் இதில் கொஞ்சமும் அக்கறைக் கொள்வதுமில்லை; இதன் பின் விளைவைத்தான் நாமெல்லோரும் இன்று அனுபவித்துக் கொண்டிருக்கின்றோம்; இன்று நாம் பொருளாதாரத்திலும், கல்வித்துறையிலும் அரசுத் துறைகளில் வேலை வாய்ப்புக்களையும், இன்னும் பல உரிமைகளையும் இழந்ததும் இதன் பின் விளைவுகளென்று இன்னும் நாம் ஏன் உணரவில்லை; இனிமேலும் அப்படியிருக்க வேண்டிய அவசியம் நமக்கில்லை; வரும் காலங்களில் நம்மவர்கள், நம் தலைமுறையினரை நாம் காப்பாற்றிக் கொள்ள வேண்டுமானால் , காலம் தாழ்த்தாது வாக்களிக்க தகுதியுள்ள நம்மவர்கள் தேர்தல் ஆணையத்தில் வாக்காளர்களாக பதிவுச் செய்துக் கொள்ளுமாய்க் கேட்டுக் கொள்கின்றேன். இதற்காக தேர்தல் ஆணையம் அலுவலகம் செல்ல வேண்டுமென்ற அவசியமில்லை; அருகிலுள்ள தபால் நிலையம் சென்று நாம் பதிவுச் செய்துக் கொள்ளலாம்; அந்த வசதியை அரசு நமக்கு செய்துக் கொடுத்துள்ளது; அடுத்து வரும் தேர்தலில் நாம் வாக்களிக்க வேண்டுமென்றால், நாம் உடனே காலம் தாழ்த்தாமல் தபால் நிலையம் சென்று பதிவுச் செய்துக் கொள்ளவது நன்று; மக்களாட்சி நலன் கருதி, நாட்டின் நலன் கருதி எல்லோரும் இந்தக் கடமையை உடனே செய்யுங்கள்; அதையும் இன்றே செய்யுங்கள்; நமக்கு இனி வரும் களங்களிலெல்லாம் நல்லதாகவே நடக்குமென்ற நம்பிக்கைக்கு கொள்வோம். மற்றவர்களை நம்பி வாழ்வதை விட நம் வாக்குச் சீட்டுக்களை நாம் தாராளமாக நம்பி வாழலாம்; நமக்கு பாதுகாப்பாகயிருக்கும்.
அரசியல இதுதெல்லாம் சகஜமப்பா …..