எதிரணி   உள்பட    எல்லாத்    தரப்பினரும்   வட  கொரிய    நெருக்கடிக்குத்   தீர்வு   காணும்    அரசாங்கத்தின்    முயற்சிகளுக்கு   ஒன்றுபட்ட   ஆதரவை     வழங்க    வேண்டும்   என்று    பிரதமர்    நஜிப்    அப்துல்    ரசாக்    கேட்டுக்கொண்டிருக்கிறார்.

வெளி  அச்சுருத்தலை    எதிர்நோக்கும்போது   மக்கள்   வெளிப்படுத்தும்   ஒற்றுமையை   வைத்துத்தான்     ஒரு    நாட்டின்    வலிமை    கணிக்கப்படுகிறது.

“பிரச்னைகளை  அல்லது   மருட்டலை    ஒன்றுபட்டு    எதிர்கொள்ள   முனைவோமானால்       நாம்   உருவாக்கி   வைத்துள்ளதை   எதிரிகளால்    அழிக்க   முடியாது”,  என   நஜிப்   ஆற்றிய   உரை   அவரது   வலைப்பதிவில்    வெளியிடப்பட்டிருந்தது.

இப்போது    அரசாங்கம்,       வட  கொரியாவிலிருந்து   வெளியேறத்    தடை   விதிக்கப்பட்டுள்ள    மலேசியர்களைப்   பத்திரமாக    திரும்ப    அழைத்து   வரும்  வழிவகைகளை   அராய்ந்து   வருவதாக    பிரதமர்  குறிப்பிட்டார்.

“இச்சிக்கலுக்குத்   தீர்வு    காண   மேற்கொள்ளப்படும்   முயற்சிகளுக்கு   ஆதரவளிப்பதில்   அரசாங்கம்,   எதிரணியினர்   உள்பட,   அனைத்து     மலேசியரும்   ஒன்றுபட    வேண்டும்”,  என்றாரவர்.