சுற்றுலா,  பண்பாட்டு    அமைச்சர்     நஸ்ரி    அப்துல்   அசீஸ்,  தாம்   பாடாங்  ரெங்காஸ்   பிரதிநிதி    என்ற   முறையில்     முன்னாள்   பிரதமர்   டாக்டர்   மகாதிர்   முகம்மட்   1எம்டிபிமீது   பரப்பிவரும்   பொய்களுக்கு    எதிராக   வாதாடப்  போவதாகக்   கூறினார்.
நஸ்ரி   மார்ச்   25-இல்   கோலா  கங்சாரில்     மகாதிருக்கு     எதிரான   விவாதத்தில்   அரசாங்கத்தைப்  பிரதிநிதிக்கவில்லை     என்று    இரண்டாவது   நிதி   அமைச்சர்   ஜொஹாரி   அப்துல்  கனி    கூறியிருப்பதற்கு   எதிர்வினையாக  அவர்   இவ்வாறு   கூறினார்.

“எனக்கே  குழப்பமாக  உள்ளது.  அரசாங்கமும்   என்  கட்சியும்   நான்  பிஎன்னையோ   அரசாங்கத்தையோ   பிரதிநிதிக்கவில்லை   என்கிறார்கள்.    ஆனால்,   பிரதிநிதிக்கிறேன்   என்கின்றனர்   எதிரணியினர்.

“இப்படி   வைத்துக்   கொள்வோமே,  நான்   பாடாங்   ரெங்காஸ்   எம்பி    அதனால்   பாடாங்   ரெங்காசைப்  பிரதிநிதிக்கிறேன்”,  என்று   நஸ்ரி    இன்று   நாடாளுமன்றத்தில்   கூறினார்.

எப்படி  இருந்தாலும்   தாம்   பிரதமர்   நஜிப்   அப்துல்   ரசாக்கைத்   தற்காத்துத்தான்   பேசப்   போவதாக     அவர்   சொன்னார்.