நாடாளுமன்றத்தில்   ஆர்ப்பாட்டம்   செய்து   ஷா ஆலம்   எம்பி  காலிட்  சமட்டைத்   தாக்கியவர்கள்   சிறு  குற்றச்  சட்டத்தின்கீழ்  குற்றஞ்சாட்டப்பட்டது  குறித்து   கருத்துக்  கேட்டதற்கு    அந்த    எண்மர்மீதும்   இன்னும்  கனமான  குற்றச்சாட்டு   சுமத்தப்பட்டிருக்க  வேண்டும்     என  உள்துறை  துணை   அமைச்சர்   நூர்  ஜஸ்லான்   கூறினார்.  இது     தம்முடைய  தனிப்பட்ட   கருத்து   என்பதையும்  அவர்  வலியுறுத்தினார்.

“என்னைக்  கேட்டால்,  அவர்கள்  பாதுகாக்கப்பட்ட   ஒரு  பகுதியில்    கட்டுப்பாடின்றி   நடந்து  கொண்டிருப்பதால்   கடும்   தண்டனை  கொடுப்பதே  பொருத்தமாக  இருக்கும்”,  என்றாரவர்.

ஆனால்,  போலீசார்  விசாரணை   செய்து  அதன்  அடிப்படையில்தான்  குற்றம்   சாட்டியுள்ளனர். அது   அவர்களின்  உரிமை   என்றும்   அவர்   சொன்னார்.

சிறுகுற்றங்கள்  சட்டம்   குற்றஞ்சாட்டப்படுபவருக்கு  ரிம100 அபராதம்   விதிப்பதற்கு   மட்டுமே   வகை   செய்கிறது.