தாசெக் குளுகோர் நாடாளுமன்ற உறுப்பினர் ஷாபுடின் யாகயாவைக் கண்டிக்கும் தீர்மானம் பினாங்கு சட்டமன்றத்தில் மே மாதம் தாக்கல் செய்யப்படும் என்று பினாங்கு மாநில முதலமைச்சர் லிம் குவான் எங் கூறினார்.
கற்பழிப்பால் பாதிக்கப்பட்ட பெண் கற்பழித்தவரை திருமணம் செய்துகொள்ளலாம் என்று நாடாளுமன்றத்தில் கூறிய ஷாபுடின் பற்றி பினாங்கு சட்டமன்ற உறுப்பினர்கள் அனைவரும் தங்களுடைய நிலைப்பாட்டை தெரிவிப்பதற்கு ஏதுவாக இது செய்யப்படுகிறது என்றாரவர்.
பெண்கள் சினமடைந்துள்ளனர். இந்த தீர்மானம் கற்பழிப்பால் பாதிக்கப்பட்டவர்களுக்கு நீதி கிடைப்பதற்கு வழிகோலும் என்று நம்பப்படுகிறது என்று அவர் மேலும் கூறினார்.
“பெண்களை நேசிக்கும், மதிக்கும் மற்றும் பாதுகாக்கும் மாநில அரசு என்ற முறையில் நாங்கள் இதனைச் செய்கிறோம்”, என்று அவர் ஒரு செய்தியாளர் கூட்டத்தில் கூறினார்.
“ஷாபுடினுக்கு எதிராக பிஎன் மேல்மட்ட தலைமைத்துவம் நடவடிக்கை எடுக்கத் தவறி விட்டது குறித்து நாங்கள் வருத்தப்படுகிறோம். கற்பழிப்பால் பாதிக்கப்பட்டவர்களை அவர் மதிக்கவில்லை. அதைவிட மோசமானது, கற்பழிப்பு குற்றத்தை அவர் கடுமையானதாகக் கருதாமல் இருப்பது”, என்றார் லிம்.
சட்டமன்றத்தில் மாநில எதிரணித் தலைவரும் பினாங்கு வனிதா அம்னோ தலைவருமான ஜஹாரா ஹமிட், ஷாபுடினின் கருத்து மீதான அவரது நிலைப்பாட்டை சட்டமன்றத்தில் தெரிவிக்க வேண்டும் என்றும் லிம் கூறினார்.
“இது வரையில் ஷாபுடினை அவர் கண்டிக்கவில்லை, மாறாக அவருக்கு ஆதரவாக இருக்கிறார். அவர் ஒரு பெண்”, என்றார் லிம்.
தாசிக் குளுக்கோர் MP க்கு என்ன ஆனது ? கற்பழித்த ஆடவரையே திருமணம் செய்து கொள்ளலாம் என்றால் இது காம கொடூரன் களுக்கு ஒரு வாய்ப்பாக அமைந்து விடும் என்பது புரியாமல் MP என்ற இறுமாப்பில் பேசியிருக்கிறார் . இது வன்மையாக கண்டிக்கப்பட வேண்டியது . நாடாளு மன்றத்தில் BN கூஜா தூக்கிகள் சும்மா இருந்து விட்டாலும் பினாங்கு அரசு சட்ட மன்றத்தில் இது குறித்து தாக்கல் செய்ய முன் வந்திருப்பது மக்கள் நலனில் PAKATAN HARAPAN அரசாங்கம் வைத்திருக்கும் நம்பிக்கையை காட்டுகிறது .
இவனைப்போன்ற கம்மனாட்டிகளை எவ்வளவு கண்டித்தாலும் ஒன்றும் நடக்கப்போவதில்லை. இந்த ஈனங்களுக்கு அவ்வளவு சுய மரியாதை ஜப்பானியர்கள் போல் கிடையாது. இதற்க்கு எல்லாம் அடிப்படை காரணம் கல்வியும் சமுதாயமும் தான்.