16 மாதங்களுக்குமுன் எஸ்ஆர்சி விவகாரத்தில் பிரதமர் நஜிப் அப்துல் ரசாக் குற்றமேதும் புரியவில்லை என்று அறிவித்த சட்டத்துறைத் தலைவர் முகம்மட் அபாண்டி அலி, “NFA (என்எப்ஏ)” அல்லது “நோ பர்தர் எக்சன்” என்றால் வழக்கு முடிந்து விட்டதாகப் பொருள்படாது என்று விளக்கமளித்துள்ளார்.
எஸ்ஆர்சி இண்டர்நேசனல் நிறுவனத்திலிருந்து ரிம42 மில்லியன் பிரதமரின் தனிப்பட்ட வங்கிக் கணக்குக்கு மாற்றிவிடப்பட்டது மீதான விசாரணையை நிறுத்துமாறு தாம் என்றும் சொன்னதில்லை என்று ஏஜி விளக்கியதாக மலேசியன் இன்சைட் கூறிற்று.
“நான் (ஜனவரி 26, 2016) செய்தியாளர் கூட்டத்தில் மேல் விசாரணை இல்லை என்று கூறியது உண்மை. அது பிரதமரின் வங்கிக் கணக்குக்குச் சென்றதாகக் கூறப்படும் ரிம2.6 பில்லியன் குறித்துக் கூறப்பட்டது”, என்றவர் சொன்னதாக அது குறிப்பிட்டது.
“நாங்கள் என்எப்ஏ என்று அறிவித்தால் அதைத் தள்ளி வைக்கிறோம் என்றுதான் பொருள். புதிய ஆதாரங்கள் கிடைத்தால் அதன்மீது விசாரணை தொடரும்..
“என்எப்ஏ என்று அறிவித்தாலுங்கூட எந்தக் கோப்பும் நிரந்தரமாக மூடப்படுவதில்லை, 1எம்டிபி-க்கும் அது பொருந்தும்”, என்றாரவர்.
