மருத்துவப் பட்டதாரிகள், மருத்துவமனைகளில் வேலைக்கு அமர்த்தப்படுவது குறித்து பொதுச் சேவை ஆணையம் இதுவரை எந்த அறிவிப்பும் செய்யாமலிருப்பதால் திரிசங்கு சொர்க்க நிலையில் விடப்பட்டதுபோல் தத்தளிக்கிறார்கள் என கூலாய் எம்பி தியொ நை மிங் கூறினார்.
நேற்று அறிவித்திருக்க வேண்டும். ஆனால், திடீரென்று தள்ளிப்போட்டு விட்டார்கள் என்றாரவர்.
“மருத்துவப் பட்டதாரிகளில் பலர் அரசாங்க மருத்துவமனைகளில் வேலைக்கு அமர்த்தப்படுவதற்காக ஓராண்டுக்குமேல் காத்திருக்கிறார்கள்”, என்றாரவர்.
இவர்கள் பயிற்சி மருத்துவர்களுக்கான நேர்காணலுக்குச் சென்று முடிவுகளுக்காகக் காத்திருக்கிறார்கள்.
கடந்த ஆண்டில் 3,474 மருத்துவப் பட்டதாரிகள் நேர்காணலுக்குச் சென்றார்கள். 1,687 பேர் மட்டுமே அரசாங்க மருத்துவமனைகளில் பயிற்சி மருத்துவர்களாக வேலைக்கு அமர்த்தப்பட்டனர்.
