பிகேஆரின்    உயர்    தலைவர்கள்     நாளை    ஒன்று   கூடுகிறார்கள்.  அக்கூட்டத்தில்   சிலாங்கூர்    ஆட்சிக்குழுவில்   இனி  பாஸின்   பங்கு   என்ன  என்பது   குறித்தும்   விவாதிக்கப்படும்   என   பிகேஆர்    தலைமைச்   செயலாளர்    சைபுடின்   நசுத்தியோன்   இஸ்மாயில்    கூறினார்.

கடந்த   வெள்ளிக்கிழமை     பாஸ்   எக்ஸ்கோ-கள்  மூவரைச்   சந்தித்தபோது   நடந்தது     என்னவென்பதை   சிலாங்கூர்  மந்திரி  புசார்   அஸ்மின்    அலி  தம்மிடம்  விவரித்திருப்பதாக   சைபுடின்    சொன்னார்.

“நாளைய    கூட்டத்தில்   அது   விவாதிக்கப்படும்”.

மற்றொரு   நிலவரத்தில்    கட்சி   மாநாடு    எதிர்வரும்   ஞாயிற்றுக்கிழமை  ஷா   ஆலமில்     நடைபெறும்    என்றும்    சைபுடின்   தெரிவித்தார்.