2016   மூன்றாம்  காலாண்டில்     புதிய   வாக்காளர்கள்    எண்ணிக்கை   வழக்கத்தைவிட    எட்டு   மடங்கு   அதிகரித்திருந்ததைக்   கண்டு   ஷா  ஆலம்  எம்பி  காலிட்  அப்துல்   சமட்   வியப்படைகிறார்.

2013- இலிருந்து   புதிதாக    வாக்காளர்களாக    பதிந்து  கொள்வோர்   எண்ணிக்கை   ஒவ்வொரு  காலாண்டிலும்    70,000    என்ற   அளவில்தான்   சீராக   இருந்து   வந்துள்ளது   என்றாரவர்.

“(இப்போது   திடீர்   அதிகரிப்பினால்)    பல   கேள்விகள்   எழுகின்றன. தேர்தல்   ஆணைய(இசி)த்   தலைவருடன்   அது  குறித்து    விவாதிக்க   விரும்புகிறோம்”,  என்றவர்   செய்தியாளர்   கூட்டமொன்றில்   கூறினார்.

அரசியல்   கட்சிகள்   தேர்தல்   ஆணையத்தின்   முகவர்களாக    செயல்பட   இசி   இப்போது    அனுமதிப்பதில்லை   என்பதால்    அவை  புதிய   வாக்காளர்களைப்   பதிவு   செய்ய   சிரமப்படுகின்றன.

“அப்படியானால்,  பதிவு    செய்வது   யார்?  புதிய   வாக்காளர்கள்    எங்கிருந்து   வருகிறார்கள்?  பதிவு   செய்வதில்     நாங்கள்    உதவியாக   இருந்தபோதுகூட    70,000  பேரைத்தானே   பதிவு    செய்ய   முடிந்தது”,   என்று   அப்துல்   சமட்   கூறினார்.