சில   டிஏபி   தலைவர்கள்   அம்னோ    தலைவர்களுடன்  “கைகோத்து”  நிற்கிறார்கள்.  அதைப்   பார்க்கும்    எவரும்   அம்னோவும்   டிஏபியும்   ஒத்துழைப்பதாகக்  கூறுவதில்லை.

“ஆனால்,  பாஸ்   தலைவர்கள்   அம்னோ     தலைவர்களுடன்    அரசாங்க    நிகழ்வொன்றின்போது   ஒன்றாக   அமர்ந்து   தேநீர்   அருந்துவதுபோல்   படங்கள்     வெளிவந்தால்   உடனே   அவர்கள்   அம்னோவுடன்   சேர   விரும்புவதாகக்  கதை   கட்டி  விடுகிறார்கள்.

“ஆனால்,  டிஏபி  தலைவர்கள்   தேநீர்   அருந்துவது    மட்டுமல்ல    (அம்னோ   தலைவர்களுடன்)     கட்டிப்பிடித்து   ஆடினாலும்   பாதகமில்லை”,  என   என   ஆதங்கத்துடன்   குறிப்பிட்டார்   பாஸ்   உதவித்   தலைவர்   இட்ரிஸ்   அஹ்மட்.

இட்ரிஸ்  யாருடைய  பெய்ரையும்   கூறவில்லை.  ஆனால்,      அரசியல்   கருத்து   வேறுபாடுகளுக்கிடையிலும்   டிஏபி   தலைமைச்   செயலாளர்   லிம்   குவான்    எங்கும்    அம்னோ   உச்சமன்ற   உறுப்பினர்    நஸ்ரி  அப்துல்   அசீசுக்கும்  நெருக்கமாக   நட்பு   கொண்டிருப்பதைத்தான்    அவர்  குறிப்பிடுகிறார்    என்று   நம்பப்படுகிறது.

அவ்விருவரும்  கடந்த   ஆண்டு   ஸ்கைவாக்   திறந்து  வைக்கப்பட்ட   நிகழ்வில்  கைகோத்து   நின்றனர்.

மறுபுறம்,   பாஸ்   தலைவர்    அப்துல்   ஹாடி    ஆவாங்   இம்மாதத்   தொடக்கத்தில்    விவசாய,  விவசாயம்    சார்ந்த   தொழில்   அமைச்சு   ஏற்பாடு   செய்திருந்த   நிகழ்வு   ஒன்றுக்குச்    சென்றிருந்தார்.  உடனே,  பாஸ்  அம்னோவுடன்   ஒத்துழைக்கிறதா    என்று   கேள்விகளும்     சந்தேகங்களும்   எழுப்பப்பட்டன.

ஏன்  இந்த   இரட்டை   நியாயம்   என்றவர்   வினவினார்.