மத்திய லண்டனில் நடந்த பயங்கரவாதிகளின் தாக்குதலில் அறுவர் கொல்லப்பட்டனர் என்று கூறப்படுகிறது. இன்று மலேசியா இத்தாக்குதலுக்கு கண்டனம் தெரிவித்தது.

இச்சம்பவத்தால் தாம் அதிர்ச்சியடைந்துள்ளதாக பிரதமர் நஜிப் ரசாக் கூறினார்.

“நான் அதிர்ச்சியும் வெறுப்பும் அடைந்துள்ளேன். இது போன்ற மிகக்கொடிய செயல்களை மலேசியா கண்டிக்கிறது. நாம் பிரிட்டீஷ் மக்களுடன் இணைந்திருக்கிறோம்”, என்று நஜிப் அவரது மிக அண்மைய டிவிட்டில் கூறுகிறார்.

இச்சம்பவத்தில் ஆறு பொதுமக்கள் கொல்லப்பட்டனர். சந்தேகிப்படும் மூன்று நபர்களை போலீசார் சுட்டுக் கொன்றனர்.

இந்தச் சம்பவத்தில் மலேசியர்கள் எவரும் சம்பந்தப்படவில்லை என்பதை விஸ்மா புத்ரா உறுதிப்படுத்தியதோடு நிலவரத்தை கூர்ந்து கவனித்து வருவதாகவும் அது தெரிவித்தது.

அவசர உதவி அல்லது மேற்கொண்டு தகவல் பெற விரும்பும் மலேசியர்கள் மலேசிய ஹைகமிசனை +44 (0) 207 242 4308 அல்லது மின் அஞ்சல் [email protected] வழி தொடர்புகொள்ளலாம்.