புத்ரா   ஜெயா   வட   கொரிய    தொழிலாளர்களுக்கு     வேலை   அனுமதிகள்   கொடுப்பதை   நிறுத்தி   விட்டதாக    மலேசிய    அதிகாரிகள்   தெரிவித்ததாக     த  ஜப்பான்   டைம்ஸ்  நேற்று    அறிவித்தது.

கோலாலும்பூர்   அனைத்துலக   விமான   நிலையத்தில்     வட   கொரிய    அதிபர்    கிம்    ஜொங்-அன்னின்   ஒன்றுவிட்ட   சகோதரர்    கிம்  ஜொங்- நாம்  கொல்லப்பட்டு    நான்கு   மாதங்கள்    ஆன  நிலையில்    இம்முடிவு   எடுக்கப்பட்டுள்ளது.

மலேசியாவுக்கும்  வட   கொரியாவுக்குமிடையில்   உறவுகள்   நன்றாகத்தான்   இருந்து   வந்தன.  ஆனால்,  கிம்   ஜொங்- நாமின்   கொலையில்    வட   கொரியர்கள்   பலர்     சம்பந்தப்பட்டிருப்பதாக    மலேசிய   போலீஸ்   குற்றஞ்சாட்டியதை     அடுத்து    உறவுகள்  பாதிப்படைந்தன.